Qeveria ndan miliarda për të shkurtuar listat e pritjes në shëndetësi

Qeveria ka vendosur të shtojë 1,8 miliardë krona të tjera për të përshpejtuar trajtimin në shëndetësi dhe për të shkurtuar listat e pritjes. Kjo është pjesë e një pakete shëndetësor me vlerë totale 3,5 miliardë krona.

Ministrja e shëndetësisë, Elisabet Lann (KD), tha në një konferencë për shtyp:

“Shumë njerëz presin përtej kohës së lejuar ligjërisht”.

Nga kjo shtesë, një miliard krona do t’i shkojnë rajoneve si stimuj ekonomikë për të zvogëluar listat e pritjes. Lann shpjegon:

“ Kjo krijon stimuj ekonomikë. Sot kemi stimuj që shpesh janë destruktivë, dhe kjo do të thotë se nuk gjithmonë ia vlen të kryhet kujdesi mjekësor që duhet të bëhet”.

Përveç kësaj, programi për të rritur numrin e operacioneve për katarakt, proteza të hipit dhe prolaps do të vazhdojë, me një kosto prej 750 milionë krona për vitin 2026.

Qeveria gjithashtu emëron një koordinator kombëtar, i cili do të koordinojë punën e rajoneve dhe do të sigurojë që ajo të bëhet në mënyrë efektive.

Në fund, qeveria njofton edhe një investim prej 100 milionë krona për kujdesin e personave me çrregullime të të ushqyerit.