Qeveria prezanton strategjinë për uljen e problemeve të shëndetit mendor

Shëndeti mendor nuk është vetëm një përgjegjësi e sistemit shëndetësor, por e gjithë shoqërisë. Me këtë mesazh, qeveria suedeze ka prezantuar një strategji të re kombëtare për të përmirësuar shëndetin mendor dhe për të ulur numrin e vetëvrasjeve.

“Shumë njerëz në Suedi ndihen të mbërthyer në situata të errëta dhe nuk shohin asnjë rrugëdalje përveç përfundimit të jetës së tyre,” tha ministri i shëndetësisë, Jakob Forssmed (KD), gjatë prezantimit të strategjisë.

Strategjia synon të adresojë veçanërisht nevojat e të rinjve, të cilët, sipas ministres së shërbimeve sociale, Camilla Waltersson Grönvall (M), përballen me sfida të shumta që kërkojnë mbështetje më të madhe dhe qasje më të mirë ndaj kujdesit shëndetësor.

“Fokusi ynë është të sigurojmë që të rinjtë të marrin mbështetjen dhe trajtimin që u nevojitet për të përballuar presionet e përditshme dhe problemet e shëndetit mendor,” theksoi Waltersson Grönvall.

Strategjia kombëtare përfshin masa afatgjata që do të përfshijnë shkollat, shërbimet sociale dhe sistemin shëndetësor, duke u fokusuar te parandalimi dhe ndërhyrja e hershme për të shpëtuar jetë dhe për të ndihmuar njerëzit në nevojë.

Burimi: TT