Qeveria suedeze do të thjeshtojë rregullat për kompanitë farmaceutike

Qeveria e Suedisë ka në plan të thjeshtojë rregullat për kompanitë farmaceutike që duan të zhvillojnë prova klinike në vend. Qëllimi është të tërhiqen më shumë kompani dhe të forcohet kërkimi shkencor në fushën e shëndetësisë.

Lajmi u bë i ditur gjatë një takimi të qeverisë ditën e djeshme. Një grup pune do të analizojë se si mund të bëhen rregullat më të lehta dhe më moderne. Një nga temat që do të shqyrtohet është se si personat me aftësi të kufizuara në vendimmarrje mund të përfshihen më lehtë në studime kërkimore.

“Me këtë hap po modernizojmë rregullat dhe po krijojmë kushte më të mira për kërkime mjekësore në Suedi”, tha ministrja e shëndetësisë, Acko Ankarberg Johansson.