Qeveria Suedeze Prezanton Lista Leximi për Fëmijët: “Do të Frymëzojnë Dashurinë për Librat”

Në një përpjekje për të rritur interesin për leximin tek fëmijët, qeveria suedeze ka prezantuar gjashtë lista leximi me gjithsej 250 libra të përzgjedhur për moshat e ndryshme. Listat janë hartuar nga Autoriteti Kombëtar i Arsimit (Skolverket) në bashkëpunim me Këshillin e Kulturës (Kulturrådet).

“Ky projekt do të ndihmojë shumë fëmijë dhe prindër të zbulojnë libra të rinj të preferuar ose të rikthehen te një klasik i dashur,” tha ministrja e shkollave, Lotta Edholm, gjatë prezantimit të iniciativës.

Jo e Detyrueshme dhe Jashtë Kurrikulës

Listat janë ofruar si një udhëzues i lirë dhe nuk janë të detyrueshme për shkollat. Ato gjithashtu nuk janë të lidhura me projektin e vazhdueshëm të krijimit të një kanoni kulturor kombëtar, i cili trajtohet si një nismë e veçantë nga qeveria.

Qeveria shpreson që këto lista leximi të frymëzojnë fëmijët të kalojnë më shumë kohë duke lexuar, një aktivitet që vlerësohet si thelbësor për zhvillimin intelektual dhe emocional të tyre.