Radhë të gjata kilometrike në rrugën kombëtare 40. 11 makina të përfshira në aksident

Moti i keq dimëror në Göteborg ka shkaktuar probleme serioze në trafik. Në rrugën kombëtare 40, në drejtim të Göteborgut, janë krijuar radhë shumë të gjata kilometrike pas disa aksidenteve rrugore, raportojnë mediat lokale.

Sipas shërbimeve të emergjencës, rruga është shumë e rrëshqitshme dhe lëvizja e automjeteve është e vështirë.

“Është jashtëzakonisht e rrëshqitshme dhe do të jetë e vështirë të udhëtohet drejt Göteborgut, ka deklaruar Bosse Florell, operator i alarmit dhe i qendrës së komandimit në Shërbimin e Shpëtimit të Storgöteborgut”, për gazetën GP.

Radio P4 Göteborg njofton se aksidentet kanë ndodhur rreth orës 09:30 të mëngjesit, në segmentin mes nyjës Bårhult dhe nyjës Mölnlycke. Sipas gazetës GP, në aksident janë përfshirë gjithsej 11 makina.

Si pasojë e përplasjes, dy persona janë transportuar në spital për kontrolle mjekësore. Gjendja e tyre nuk raportohet të jetë e rëndë.

Autoritetet u bëjnë thirrje drejtuesve të automjeteve të tregojnë kujdes të shtuar dhe, nëse është e mundur, të shmangin udhëtimet drejt Göteborgut për shkak të kushteve të vështira të motit dhe trafikut.

Burimi: GP, Radio P4 Göteborg

link: https://www.sverigesradio.se/artikel/just-nu-flerbilskrock-riksvag-40-helt-avstangd

https://www.gp.se/nyheter/storgoteborg/storre-krock-pa-riksvag-40-elva-bilar-inblandade.fde90673-fc40-4b7b-a31a-b85f3da68d41