Raporti: Qeveria suedeze pritet të ndalojë martesat mes kushërinjve

Qeveria e Suedisë pritet të vazhdojë me planin e saj për të ndaluar martesat mes kushërinjve. Këtë e raportojnë burime të radios suedeze Ekot. Vendimi pritet të merret edhe pse Këshilli i Ligjeve (Lagrådet) ka kritikuar mënyrën se si është hartuar ligji.

Ky propozim është pjesë e marrëveshjes politike Tidö. Sipas qeverisë, qëllimi i këtij ligji është të luftojë shtypjen dhe kontrollin që lidhet me çështjet e nderit, të njohura si presioni familjar për martesë.

Megjithatë, Këshilli i Ligjeve ka sugjeruar që para se ligji të hyjë në fuqi të ketë një periudhë kalimtare. Kjo do të thotë se ligji do të zbatohej pas një kohe të caktuar për t’u përshtatur me rregullat e reja.

Por sipas informacioneve, partitë që janë pjesë e marrëveshjes Tidö mendojnë se një periudhë e tillë do ta vononte efektin e ligjit. Për këtë arsye, ato duan që ndalimi i martesave mes kushërinjve të hyjë në fuqi sa më shpejt.

Burimi: Sverigesradio/ Regeringen

Link: https://www.sverigesradio.se/artikel/kusinaktenskap-kan-forbjudas-regeringen-gar-vidare-med-forslag

https://www.sverigesradio.se/artikel/ekot-erfar-tidopartierna-vill-forbjuda-kusinaktenskap-fran-1-juli-2026

https://www.regeringen.se/pressmeddelanden/2024/10/utredning-foreslar-forbud-mot-kusinaktenskap/