Restorantet në vështirësi. Kërkojnë heqjen e TVSH-së për të mbijetuar

Të drejtuarit e një restoranti në Suedi është bërë shumë e vështirë. Katër restoratorë nga Stokholmi bëjnë thirrje për ndihmë në një artikull të publikuar në gazetën Expressen.

Ata tregojnë se pas disa krizave të njëpasnjëshme, si pandemia, rritja e çmimeve dhe pasiguria për të ardhmen,  shumë restorante janë në rrezik të mbyllen.

“Shumë njerëz nuk e kuptojnë sa shpenzime kemi për të mbajtur një restorant hapur. Pagesa për qira, punëtorë, energji, taksa, dhe tani edhe kufizime për muzikën live dhe oraret,” shkruajnë ata.

Restoratorët kërkojnë që qeveria të heqë TVSH-në për restorantet, të paktën përkohësisht. Ata thonë se kjo është mënyra më e mirë për t’i ndihmuar të mbijetojnë.

“Pa ndihmë nga shteti, mijëra vende pune dhe vetë industria e restoranteve mund të zhduken,” paralajmërojnë ata.