Rregulla të reja në 2026. Ja çfarë ndryshon për të gjithë?

Vit i ri do të thotë ligje dhe rregulla të reja. Nga 1 janari 2026 kanë hyrë në fuqi disa ndryshime të rëndësishme në sistemin e sigurisë sociale dhe përfitimeve nga Försäkringskassan. Ndryshimet prekin shumë persona, pavarësisht moshës apo situatës familjare.

Sipas raporteve, Försäkringskassan ka konstatuar se 6 nga 10 kërkesa janë të pasakta, shkruan Dagens PS. Megjithatë, disa përfitime po përmirësohen ndjeshëm këtë vit.

Rriten ndihmat për banim për familjet me fëmijë

Ndryshimet e para kanë të bëjnë me ndihmën për banim për familjet me fëmijë. Kufiri i qirasë që merret parasysh për të përfituar ndihmë banimi është rritur.

• Familjet me një fëmijë: kufiri rritet në 6 800 korona
• Familjet me dy fëmijë: kufiri rritet në 7 900 korona
• Familjet me tre ose më shumë fëmijë: kufiri rritet në 8 600 korona

Këto ndryshime nënkuptojnë edhe rritje të shumës së ndihmës mujore. Familjet me një fëmijë mund të marrin deri në 800 korona më shumë në muaj, ndërsa familjet me dy ose më shumë fëmijë deri në 1 000 korona më shumë në muaj.

Mbrojtje e re për të moshuarit mbi 67 vjeç

Personat që mbushin 67 vjeç ose më shumë gjatë vitit 2026 përfitojnë nga një skemë e re e mbrojtjes nga shpenzimet e larta shëndetësore. Sipas kësaj skeme, ata paguajnë vetëm 10% të çmimit referencë për disa trajtime.

Në këtë mbrojtje përfshihen trajtime për sëmundje, dhimbje dhe sëmundje të mishrave të dhëmbëve, si dhe mbushja e dhëmbëve. Gjithashtu përfshihen kurora dentare, ura dhe implante për 10 dhëmbët e përparmë në nofullën e sipërme dhe të poshtme.

Rritet mosha e pensionit

Nga viti 2026, mosha e pensionit rritet nga 66 në 67 vjeç. Kjo do të thotë se përfitimet nga Försäkringskassan mund të vazhdojnë edhe për një vit më shumë.

Në vend që të ndërpriten në moshën 66 vjeç, përfitimet vazhdojnë deri në momentin kur personi mbush 67 vjeç, nëse plotësohen kushtet e tjera. Kjo vlen për të gjitha përfitimet që janë të lidhura me moshën e pensionit.

Më shumë raste për të marrë VAB

Prindërit që kanë fëmijë me sëmundje, lëndime ose aftësi të kufizuara, si dhe prindërit e fëmijëve që kanë nevojë për mbështetje nga shërbimet sociale, shpesh duhet të jenë në kontakt me shkollën, shëndetësinë dhe shërbimet sociale.

Nga 1 janari 2026, prindërit kanë të drejtë të marrin VAB edhe kur marrin pjesë në takime në çerdhe ose shkollë për të mësuar stafin se çfarë kujdesi ka nevojë fëmija. Po ashtu, VAB mund të merret edhe për takime me shërbimet sociale.

Ulet “funkisskatten”

E ashtuquajtura “funkisskatten”, që është taksa mbi pensionin e sëmundjes dhe pensionin e aktivitetit, është ulur. Kjo do të thotë se personat që marrin këto përfitime nga Försäkringskassan do të tatohen në të njëjtin nivel me personat që kanë të ardhura nga puna.

Ulja e taksës realizohet përmes një skeme të përforcuar të uljes së tatimit.

Burimi: Dagensps

link:https://www.dagensps.se/privatekonomi/nya-reglerna-du-maste-kanna-till-2026/