Rregulla të reja për shlyerjen e borxheve në Suedi “skuldsanering”.

Që nga 1 shtatori, autoriteti suedez Kronofogden ka ndryshuar rregullat për ata që janë në proces falimentimi personal (skuldsanering). Sipas rregullave të reja, nuk do të pranohet kthimi i parave nëse një borxh është paguar i plotë ose është fshirë.

Si do të shpërndahen paratë?

Kronofogden thotë se ndryshimet lidhen me shpërndarjen e mëvonshme të pagesave. Qëllimi është që paratë e mbledhura të ndahen te kreditorët e tjerë, të cilët nuk kanë marrë pagesën gjatë procesit të falimentimit.

“Shpesh kjo ndodh sepse një kreditor nuk ka regjistruar një llogari bankare tek ne ose ka shpallur faliment dhe për këtë arsye nuk ka mundur të marrë pagesë”,  shkruan institucioni.

Nuk ka më kthim parash tek Kronofogden

Kreditorët nuk do të kthejnë para tek Kronofogden nëse:

• kanë marrë pagesën e plotë nga debitori ose nga një palë tjetër,
• ose nëse kanë fshirë kërkesën e tyre për borxhin.

Në këto raste, çdo tepricë parash do t’i kthehet debitorit ose një pale të tretë që ka të drejtë më të madhe për ato para.

Çfarë duhet të bëjnë kreditorët?

Në faqen e vet zyrtare, Kronofogden thekson:

“Nëse doni të fshini një borxh, duhet ta bëni këtë kur merrni propozimin për falimentim personal nga ne. Duhet gjithashtu të na njoftoni para se të marrim vendimin përfundimtar.”

Burimi: Dagen Juridik