Rrezik nga akulli: Trafikverket u bën thirrje shoferëve të jenë të kujdesshëm

Trafiku i festave të Krishtlindjeve deri tani ka qenë i qetë, por Administrata Suedeze e Transporteve (Trafikverket) paralajmëron shoferët që do të udhëtojnë vonë sonte të tregojnë kujdes të shtuar. Sipas autoriteteve, drejtuesit e automjeteve duhet të mbajnë distancë nga mjetet e tjera dhe të jenë të përgatitur që udhëtimi të zgjasë më shumë se zakonisht.

Në hartën rrugore të Trafikverket, disa zona janë shënuar me ngjyrë të kuqe dhe të verdhë, që tregon rrezik për rrëshqitje për shkak të kushteve të motit. Paralajmërimi i kuq vlen për rrugën E45 dhe rrugën 87 në zonën jashtë qytetit Östersund. Paralajmërimi i verdhë përfshin pjesën më të madhe të zonave të brendshme të vendit.

Zëdhënësja për shtyp e Trafikverket, Emmely Hornborg, u bën thirrje shoferëve të jenë të përgatitur para se të nisen në rrugë.

“ Jini të kujdesshëm, mbani një lopatë në makinë dhe kini parasysh se temperatura mund të bjerë shpejt”, thotë ajo.

Qytetarët këshillohen të ndjekin gjendjen aktuale të trafikut përmes faqes zyrtare të internetit të Trafikverket.