Rriten aplikimet për A-kassa me 18% në janar

Numri i personave që kanë aplikuar për kompensim papunësie nga fondet e sigurimit të papunësisë (A-kassa) është rritur me 18% në muajin janar, krahasuar me muajin dhjetor. Kështu tregojnë shifrat zyrtare nga organizata e fondeve të papunësisë në Suedi (Sveriges a-kassor).

Megjithatë, krahasuar me janarin e vitit të kaluar, numri i aplikimeve është më i ulët. Brenda një viti, aplikimet kanë rënë me pak më shumë se 18%.

Sipas Tomas Eriksson, sekretar i përgjithshëm (kanslichef) në organizatën (Sveriges a-kassor), rritja në janar është e madhe, por e pritshme.

“Rritja në janar është e madhe, por e pritshme. Së bashku me një rritje të lehtë në dhjetor, ky është një ndryshim normal sezonal që zakonisht ndodh në fund dhe në fillim të vitit”, thotë Tomas Eriksson.

Ai parashikon se trendi i rënies do të vazhdojë dhe se papunësia tek anëtarët e fondeve të papunësisë (A-kassa) do të ulet përsëri, por me një ritëm të ngadaltë.

Burimi: sverigesakassor

Link: https://www.sverigesakassor.se/sv/startsida