Rriten falimentimet e bizneseve në Suedi gjatë korrikut, ndërsa tregtia me pakicë shënon ulje

Numri i falimentimeve të bizneseve në Suedi u rrit me 4%  gjatë muajit korrik, krahasuar me të njëjtën periudhë të vitit të kaluar. Këtë e tregojnë statistikat më të reja të publikuara nga kompania e kreditvlerësimit UC.

Rritja më e madhe e falimentimeve u regjistrua në sektorin e ndërtimit, si edhe në atë të hoteleve dhe restoranteve. Në të kundërt, tregtia me pakicë shënoi një zhvillim pozitiv, me një ulje prej 29% të numrit të falimentimeve.

Sipas analistes së UC, Amanda Aldestam, rritja e falimentimeve në sektorin e hoteleve dhe restoranteve gjatë korrikut është e pazakontë.

“Rritja e falimentimeve në hotele dhe restorante gjatë muajit korrik është e habitshme, pasi muajt e verës zakonisht sjellin një rritje sezonale të aktivitetit dhe të të ardhurave për këtë sektor”, tha ajo.

Edhe sektori i tregtisë me shumicë regjistroi një rritje të ndjeshme të falimentimeve. Sipas UC, kjo lidhet me pasigurinë e kërkesës në treg.

Burimi:UC

Link: https://www.uc.se/konkursstatistik