Rritet numri i të punësuarve në Suedi, bie papunësia

Numri i të punësuarve në Suedi vazhdon të rritet. Sipas shifrave të reja të publikuara nga SCB, në muajin mars numri i personave të punësuar në tregun suedez të punës, në grupmoshën 15–74 vjeç, është rritur me 24 000 persona krahasuar me të njëjtën periudhë të vitit të kaluar. Në total, numri i të punësuarve ka arritur në mbi 5,23 milionë persona.

Raporti tregon gjithashtu se shkalla e punësimit për personat e moshës 20–65 vjeç është rritur me 0,2 pikë përqindjeje dhe ka arritur në 79,5%.

Në të njëjtën kohë, papunësia në Suedi ka shënuar ulje. Sipas raportit mujor “Statusi i Tregut të Punës së Popullsisë” (BAS), niveli i papunësisë është ulur me 0,3 pikë përqindjeje dhe tani është 5,6%.

Burimi:SCB

link:https://www.scb.se/hitta-statistik/statistik-efter-amne/arbetsmarknad/utbud-av-arbetskraft/befolkningens-arbetsmarknadsstatus/pong/statistiknyhet/befolkningens-arbetsmarknadsstatus-mars-2026/