Rritje e ndjeshme e ankesave ndaj avokatëve në Suedi

Numri i ankesave ndaj avokatëve në Suedi është rritur ndjeshëm gjatë vitit 2024, duke shënuar një nivel rekord. Shoqata e Avokatëve raportoi se ka pranuar 609 ankesa, një rritje prej 144 rastesh krahasuar me vitin 2023, kur u regjistruan 465 ankesa.

Sekretarja e përgjithshme e Shoqatës së Avokatëve, Mia Edwall Insulander, e lidh këtë trend me mbikëqyrjen më të rreptë ndaj profesionit.

“Kjo rritje përbën një ndryshim të trendit dhe mund të jetë rezultat i kontrollit më aktiv që ne po zbatojmë,” tha ajo në një deklaratë për shtyp.

Gjatë vitit, Këshilli Disiplinor shqyrtoi 229 raste, ku 145 avokatë u ndëshkuan për shkelje të etikës profesionale. Pesë avokatë u përjashtuan plotësisht nga Shoqata.

Një tjetër ndryshim i rëndësishëm gjatë vitit 2024 ishte rritja e gjobave për shkelje serioze. Kufiri i ri i gjobave tani varion nga 10,000 deri në 250,000 korona suedeze.

Në 28 raste, avokatët u ndëshkuan me paralajmërim dhe gjobë, duke treguar një linjë më të ashpër ndaj shkeljeve brenda profesionit.

Burimi: Aftonbladet