S: Të rinjtë nën 20 vjeç të udhëtojnë falas me transport publik

Partia Socialdemokrate në Suedi do të punojë që nga tani për ta bërë transportin publik falas për të gjithë të rinjtë që nuk kanë mbushur ende 20 vjeç, raporton agjencia TT.

Vendimi u mor të enjten në mbrëmje gjatë kongresit të partisë në Göteborg. Votimi përfundoi me 183 vota pro dhe 164 kundër.

Si hap i parë, partia synon që udhëtimet për të rinjtë të jenë falas gjatë mbrëmjeve, fundjavave dhe pushimeve shkollore.