Së shpejti ulet TVSH-ja për ushqimet, disa markete kanë nisur uljen e çmimeve më herët.

Nga e mërkura e javës së ardhshme do të hyjë në fuqi ulja e përkohshme e TVSH-së për ushqimet. Megjithatë, disa zinxhirë të mëdhenj marketesh kanë vendosur të ulin çmimet që më herët. Kështu raporton agjencia e lajmeve TT.

Zinxhirët Coop, Willys dhe Hemköp do të ulin çmimet duke filluar nga e hëna, më 30 mars. Ndërkohë, Lidl i ka ulur çmimet për anëtarët e tij që më 16 mars.

Sa i përket Ica-s, kompania ka bërë të ditur se vendimi për uljen e çmimeve para kohe i takon çdo dyqani individualisht.

Shumë prej këtyre zinxhirëve e mirëpresin vendimin për uljen e TVSH-së nga 12 në 6%. Ata shpresojnë që kjo ulje të mos jetë vetëm e përkohshme, por të vazhdojë edhe pas fundvitit 2027/2028.

Jan Prokopec, drejtor i shitjeve dhe marketingut në Ica, thotë se çmimet ndikohen nga shumë faktorë, përfshirë edhe disa që kompanitë nuk i kontrollojnë vetë. Ai shton se do të vazhdojnë të bëjnë çfarë munden për të mbajtur çmimet sa më të ulëta, por një TVSH më e ulët dhe e përhershme do të ndihmonte edhe më shumë.

Burimi: TT/Omni

Link: https://tt.omni.se/matmomsen-sanks-sa-gor-din-butik/a/gkkdXJ