Sëmundjet nga stresi në Suedi arrijnë nivel rekord

Sëmundjet për shkak të problemeve me shëndetin mendor kanë arritur nivele historikisht të larta në Suedi. Kështu raporton SVT Nyheter, duke u bazuar në një raport të ri të Agjencisë Suedeze të Sigurimeve Shoqërore, Försäkringskassan.

Sipas raportit, shkaku më i shpeshtë i sëmundjeve është stresi. Plot 70% e personave të sëmurë janë gra. Më të prekurit janë punonjësit në sektorët e shëndetësisë, arsimit dhe kujdesit social.

Drejtori i përgjithshëm i Försäkringskassan, Nils Öberg, thotë se situata është shqetësuese dhe kërkon veprime të mëdha.

“ Nevojiten investime të mëdha për të krijuar kushte pune të përballueshme dhe njerëzore”, deklaron ai për SVT.

Raporti tregon se numri i sëmundjeve për arsye psikike është rritur me 11% që nga viti 2019. Vetëm në shtator të vitit 2025, mbi 92 mijë persona në Suedi ishin të sëmurë për shkak të diagnozave psikiatrike.

Autoritetet paralajmërojnë se pa përmirësim të kushteve të punës, sidomos në profesionet e kujdesit, shëndetësisë dhe arsimit, numri i të sëmurëve mund të vazhdojë të rritet.

Link i lajmit në SVT: https://www.svt.se/nyheter/inrikes/stress-bakom-tusentals-sjukskrivna-i-vard-skola-och-omsorg-kan-inte-fortsatta-sa-har