Shkolla fillore në Suedi mund të bëhet dhjetëvjeçare

Qeveria suedeze ka propozuar që shkolla fillore të zgjasë një vit më shumë dhe të bëhet me 10 klasë. Ky propozim është tani në duart e Parlamentit, i cili pritet ta miratojë.

Sipas këtij propozimi, klasa përgatitore (e quajtur për momentin “förskoleklass”) do të hiqet dhe në vend të saj do të futet një klasë e parë e re, e cila do të jetë pjesë e shkollës fillore. Kjo do të thotë që fëmijët do të fillojnë shkollën një vit më herët dhe do të kenë gjithsej 10 vite shkollë fillore.

Vendimin përfundimtar pritet ta marrë Parlamenti në bazë të rekomandimit nga Komisioni për Arsim.