SHMI paralajmëron për borë gjatë Vasaloppet. Deri në 10 cm reshje priten në Sälen dhe Mora.

SHMI ka lëshuar një paralajmërim të verdhë për reshje dëbore në disa pjesë të qarqeve Värmland, Dalarna dhe Örebro. Sipas njoftimit, pritet të bien deri në 10 centimetra borë, përfshirë zonat e Sälenit dhe Morës, gjatë natës drejt së dielës. Reshjet mund të ndikojnë drejtpërdrejt në zhvillimin e garës së njohur të ski-ve Vasaloppet, raporton TV4 Nyheterna.

Meteorologu i TV4, Martin Hagman, ka sqaruar se bora pritet të bjerë gjatë gjithë pjesës së parë të garës. Ai theksoi se garuesit që do të nisen nga ora 08:00 deri në orën 15:00 do të përballen me reshje të vazhdueshme dëbore që nga mëngjesi, madje në disa momente edhe me intensitet të lartë.

Ndërkohë, drejtori sportiv i Vasaloppet, Tommy Höglund, bëri të ditur se organizatorët planifikojnë të rregullojnë dhe përgatisin gjurmët e garës në mesnatë, ndërsa një vlerësim i ri i situatës do të bëhet në mëngjes. Ai u ka bërë thirrje të gjithë pjesëmarrësve që të nisen me kohë drejt vendit të garës, pasi paralajmërimi për mot të keq përfshin edhe rrugët automobilistike.

Burimi: TV4/SMHI

Link: https://www.tv4.se/artikel/7IYe1FPztKn765YPgGojOU/meteorologens-varning-infoer-vasaloppet-kan-bli-stoekigt

https://www.smhi.se/vader/prognoser-och-varningar/varningar-och-meddelanden/varningar