Shoqata e Qiramarrësve kërkon rregulla më të lehta për ndërrimin e banesave me qira

Duhet të jetë më e lehtë të ndërrrosh banesën me qira, thotë Shoqata e Qiramarrësve të Suedisë (Hyresgästföreningen), e cila kërkon që ligji aktual të modernizohet, shkruan TT.

Sipas kryetares Marie Linder, rregullat që zbatohen sot zgjatin proceset dhe vështirësojnë ndërrimet, edhe pse qëllimi i sistemit të qirasë është që të ofrojë një mënyrë fleksibël jetese.

“Ne shohim gjithashtu që shumë qiramarrës marrin refuzime të paarsyeshme nga pronarët e banesave”, thotë Linder.

Shoqata propozon disa ndryshime konkrete në ligj:

• Refuzimet nga pronarët duhet të lejohen vetëm kur ka arsye të qarta dhe të bazuara diku;
• Të hiqet kërkesa për ‘arsye të veçanta’ në rastet kur banesa është marrë me qira për më pak se një vit;
• Të gjitha vendimet për ndërrim banese duhet të merren brenda një kohe të arsyeshme;
• Qiramarrësit duhet të kenë të drejtën të ankohen dhe të kërkojnë rishqyrtim të çdo vendimi.

Sipas Hyresgästföreningen, këto ndryshime do ta bënin sistemin më të drejtë, më të shpejtë dhe më fleksibël për të gjithë që jetojnë me qira.