Shpalljet e vendeve të punës rriten sërish pas një periudhe të gjatë rënieje. Ja cili land ka pësuar rritjen më të madhe?

Pas një periudhe të gjatë rënieje, numri i shpalljeve të vendeve të punës ka shënuar rritje në muajin shkurt, për herë të parë që nga shtatori i vitit 2023. Kjo bëhet e ditur nga indeksi i vendeve të punës i publikuar nga Jobbland dhe Jobbsafari.

Sipas të dhënave, rritja është veçanërisht e dukshme në disa rajone të mëdha, si Stokholmi, Skåne dhe Västra Götaland. Këto zona po tregojnë zhvillim më të fortë krahasuar me pjesë të tjera të vendit.

Në total, gjatë muajit shkurt janë regjistruar afro 114 000 shpallje pune. Kjo përfaqëson një rritje prej rreth 0.6% krahasuar me të njëjtën periudhë të vitit të kaluar.

Anita Rae, përgjegjëse për tregun e punës në Jobbland dhe Jobbsafari, e përshkruan këtë zhvillim me një fjalë: “Më në fund”.

Megjithatë, ajo thekson se është ende herët për të nxjerrë përfundime të mëdha. Sipas saj, ka shenja se ulja e normave të interesit dhe rënia e inflacionit kanë filluar të ndikojnë pozitivisht në tregun e punës.

Deklarata e saj është dhënë në një njoftim zyrtar për shtyp nga Jobbland.

Burimi: Omni/TT/Jobbland

Link: https://via.tt.se/pressmeddelande/4295647/jobbannonserna-okar-for-forsta-gangen-pa-29-manader?publisherId=3236731&lang=sv