Shqiptarja nga Kosova fiton kurorën e Miss Finlanda (Suomi) 2025

Mbrëmë në Espoo u mbajt spektakli i bukurisë “Miss Finlanda 2025”, ku fituese u shpall 22-vjeçarja nga Helsinki, Sarah Dzafce.

Sarah, e cila është me nënë nga Finlanda dhe baba nga Kosova, ka rrëfyer më herët se origjina e saj multikulturore i ka dhënë forcë dhe vetëbesim.

“Është ndjenjë e jashtëzakonshme. Kjo ka kërkuar veçanërisht besim në veten time. Nuk kam dyshuar asnjë çast që nuk meritoja të isha këtu. Ka ndihmuar që t’i qasem njerëzve më hapur dhe ta shoh këtë botë nga shumë këndvështrime të ndryshme,” u shpreh ajo pas shpalljes fituese.