Shtesë e re për fëmijë për të sapoardhurit bëhet pa taksa, hyn në fuqi më 1 shtator 2026

Riksdagen në Suedi ka miratuar propozimin e qeverisë që një shtesë e re për fëmijë për disa persona të sapoardhur në vend të jetë pa taksa. Ndryshimet do të fillojnë të vlejnë nga 1 shtatori 2026.

Nga kjo datë, do të hyjnë në fuqi disa ndryshime për personat e sapoardhur që marrin pjesë në programin e integrimit (etableringsprogrammet).

Një nga ndryshimet kryesore është futja e një shtese të re për fëmijë për familjet me fëmijë. Kjo shtesë do të zëvendësojë shtesën aktuale të integrimit që bazohet në familje dhe në vend të saj do të lidhet me individin.

Tani Riksdagen ka vendosur që kjo shtesë e re për fëmijë do të jetë plotësisht pa taksa.

Qëllimi: më shumë gra në punë

Sipas qeverisë, qëllimi i këtij ndryshimi është të forcohen nxitjet që më shumë gra të lindura jashtë Suedisë të marrin pjesë në masat e integrimit dhe të hyjnë në punë.

Meqë pjesëmarrja në programet e integrimit nuk konsiderohet punë, këto përfitime nuk tatohen. Për këtë arsye edhe shtesa e re për fëmijë do të jetë pa taksa.

Në të njëjtën kohë, rritet edhe ndihma e integrimit nga 308 krona në 335 krona në ditë.

Ndryshime në sistemin e mbështetjes

Shtesa e re për fëmijë do të zëvendësojë shtesën aktuale të integrimit që bazohet në familje. Po ashtu, në lidhje me këtë ndryshim, do të hiqet edhe ndihma për banim (bostadsersättning), sipas qeverisë.

Burimi:Nyheter24

Link: https://nyheter24.se/nyheter/ekonomi/1491421-nytt-bidrag-blir-skattefritt-borjar-galla-1-september