Shumica e mjaltit nëpër dyqane nuk është i vërtetë. Bletërritësit të shqetësuar: “Mashtrim i madh”

Një bletërritës suedez ka reaguar me zemërim pasi doli në pah se shumica e mjaltit që shitet në dyqanet ushqimore nuk është mjaltë e pastër. Ai thotë se konsumatorët po mashtrohen.

“Është çmenduri! Njerëzit besojnë se po blejnë mjaltë të vërtetë, por në fakt nuk është ashtu, thotë bletërritësi  për radion P4 Kronoberg.

Shoqata e Bletarëve në Suedi ka analizuar 40 lloje mjalti dhe gjeti se 90% e tyre ishin përzier me përbërës të tjerë, si sheqerna ose shurup të lirë. Ky zbulim ka ngritur shqetësime për mashtrime ndaj konsumatorëve dhe mungesë kontrolli në treg.

Bletërritësi që foli për median ka vendosur vetë të largojë disa produkte të dyshimta nga raftet e tij, dhe thotë se Suedia duhet të përmirësojë kontrollin mbi produktet që quhen “mjaltë”.

“Duhet të dimë se çfarë hamë, dhe të mos mashtrohemi”, përfundon ai.