SJ nxjerr në shitje biletat për Krishtlindje dhe Vitin e Ri

Kompania suedeze e trenave SJ ka nxjerrë në shitje biletat për udhëtimet gjatë periudhës së Krishtlindjeve dhe Vitit të Ri.

Biletat u nxorën në shitje në orën 09:00.

Sofie Struwe, drejtore e trafikut komercial në SJ, thotë se udhëtarët duhet të jenë të shpejtë dhe t’i blejnë biletat në kohë.

“Me siguri biletat do të shiten mjaft shpejt, ndaj është e rëndësishme të veproni në kohë. Mos prisni tre ditë para udhëtimit”, tha Struwe për gazetën GP.

SJ përdor një sistem me çmime dinamike. Kjo do të thotë se çmimi i një udhëtimi të caktuar mund të rritet nëse shumë njerëz rezervojnë bileta për të njëjtin udhëtim.

Për këtë arsye, udhëtarët këshillohen të planifikojnë udhëtimin dhe të rezervojnë biletat sa më herët.

Burimi: GP

Link: https://www.gp.se/nyheter/sverige/da-slapps-sj-s-tagbiljetter-for-jul-och-nyar.a4fa8d6b-bc4e-5705-98cf-931d7ad6f9cc