SKR: Një në pesë komuna me humbje, duhen rritur taksat ose ndihmat nga shteti.

Shoqata e Komunave dhe Rajoneve të Suedisë (SKR) paralajmëron se shumë komuna dhe rajone në vend po përballen me vështirësi ekonomike. Në raportin e tyre të fundit ekonomik, SKR thotë se do të nevojiten rritje taksash ose më shumë fonde nga shteti për të mbajtur shërbimet publike dhe për të përmbushur ambiciet e rritura, sidomos në sektorin e shëndetësisë.

Sipas raportit, më shumë se gjysma e 21 rajoneve të vendit dhe një në pesë komuna pritet të përfundojnë vitin me deficit, pra me më shumë shpenzime se të ardhura. Një nga arsyet kryesore është se ndihmat financiare nga shteti nuk janë rritur në përputhje me rritjen e kostove. Këto fonde do të mbeten në të njëjtin nivel edhe në vitin 2026 siç janë këtë vit, pavarësisht se çmimet dhe shpenzimet po rriten.

SKR thekson gjithashtu se ekonomia suedeze është ende në periudhë të vështirë, me një lëvizje të ngadaltë të rritjes ekonomike (PBB-së). Një rimëkëmbje më e qartë e ekonomisë pritet të ndodhë vetëm në vitin 2026.

Sipas SKR, pa rritje taksash ose rritje të ndihmave shtetërore, shumë komuna dhe rajone do ta kenë të vështirë të ruajnë cilësinë e shërbimeve publike, veçanërisht në fushën e shëndetësisë dhe kujdesit social.