SL ndryshon rregullat, biletat e aplikacionit mund të ndahen me miq dhe familjarë.

SL ka rishikuar rregullat për udhëtimin me transportin publik në Stokholm. Që nga dita e sotme, udhëtarët mund të ndajnë biletën e tyre të aplikacionit me familjen apo miqtë, por vetëm nëse respektohet një kusht i rëndësishëm.

“Duam që udhëtimi në Stokholm të jetë sa më i thjeshtë,” thotë Jakop Dalunde (MP), trafikregionråd.

Shërbimi i ri është diskutuar që në pranverë dhe tashmë është zyrtarisht i prezantuar: një abonim mujor për biletën e SL.

“Njësoj sikur abonohesh në një platformë filmash apo muzike, tani mund të abonohesh edhe te SL. Është fantastike,” thotë Dalunde.

Abonimi nuk është i detyrueshëm dhe mund të anulohet me vetëm një ditë njoftim.

Dalunde thekson se shumë herë njerëzit harrojnë të rinovojnë kartën e udhëtimit dhe përballen me stres para portave. “Kjo është diçka që duam ta shmangim,” thotë ai.

Me shërbimin e ri, përdoruesit mund të huazojnë biletën e tyre:

• deri te pesë persona,
• për maksimumi një ditë për çdo person,
• dhe maksimumi 15 herë në muaj.

Kjo është një mundësi që tashmë ekziston edhe te Skånetrafiken dhe Västtrafiken, sipas Mitt i.

Nëse dikush nuk udhëton një ditë, mund ta huazojë biletën te një mik. Nëse udhëton jashtë qytetit, mund ta lërë biletën te dikush tjetër.

Por ka një kufizim të rëndësishëm: personi që e ka blerë biletën nuk mund ta përdorë vetë atë ditë, deri në orën 04:30 të mëngjesit, që është fundi i ditës së trafikut.

Dalunde thotë se kjo është një alternativë më e lirë dhe më e thjeshtë krahasuar me blerjen e një bilete vjetore, e cila mund të jetë shumë e kushtueshme njëherësh. “Jemi të lumtur që mund t’ua lehtësojmë përditshmërinë udhëtarëve në Stokholm,” shton ai.

I pyetur nëse ka frikë se njerëzit do ta keqpërdorin shërbimin duke e dhënë biletën me qira, ai përgjigjet:

“Ne nuk e pranojmë këtë. Kjo duhet të jetë vetëm për huazim. Projekti është pilot dhe ne do ta vlerësojmë. Nëse shfaqen probleme, do t’i ndryshojmë rregullat.”

Burimi: https://www.aftonbladet.se/nyheter/a/q6pnA1/andrade-regler-nu-kan-du-dela-sl-biljetten-med-andra