SMHI: Vera meteorologjike mund të ketë mbërritur në Suedi

Në shumë pjesë të Suedisë ditët e fundit është ndjerë mot më i ngrohtë dhe shenja të qarta të verës. Sipas medias suedeze Expressen, Instituti Meteorologjik Suedez (SMHI) mund të konfirmojë që nesër se vera meteorologjike ka mbërritur në disa pjesë të vendit.

Sipas SMHI-së, vera meteorologjike fillon kur temperatura mesatare gjatë ditës qëndron mbi 10 gradë për pesë ditë radhazi. Në juglindje të Suedisë janë regjistruar temperatura verore për katër ditë me radhë. Nëse moti i ngrohtë vazhdon edhe deri të hënën në mbrëmje, atëherë vera do të konsiderohet zyrtarisht e ardhur në ato zona.

Megjithatë, në pjesët e tjera të vendit, jashtë Smålandit lindor dhe Blekinge, vera pritet të vonohet edhe pak. Sipas parashikimeve, masa ajri të ftohtë po zbresin mbi pjesën tjetër të Suedisë dhe gjatë natës pritet edhe shi në shumë zona të vendit.

“Temperaturat kanë qenë më të larta se normalja për këtë periudhë, por moti që po vjen tani do të jetë më normal, ose në disa vende edhe më i ftohtë se zakonisht për këtë stinë”, tha Emma Härenstam, meteorologe në SMHI.

Burimi: Expressen/SMHI

Link: https://www.expressen.se/nyheter/vader/sommaren-kan-ha-anlant-smhi-goda-chanser/

https://www.smhi.se/vader/prognoser-och-varningar/vaderprognos/q/Stockholm/2673730