SMHI zgjeron paralajmërimet portokalli, rrezik për stuhi të forta në Suedi.

Instituti Suedez i Meteorologjisë dhe Hidrologjisë (SMHI) ka zgjeruar paralajmërimet përpara se stuhia Amy të godasë Suedinë të premten.

Gjatë fundjavës, paralajmërimet të verdha do të jenë në fuqi në pjesë të mëdha të jugut të Suedisë, përfshirë pothuajse gjithë Detin Baltik dhe rajonin e Stokholmit.

Ndërkohë, janë shpallur paralajmërime portokalli për Skagerrak, si dhe për vijën bregdetare në perëndim dhe jug të vendit. Sipas SMHI, priten erëra shumë të forta që mund të arrijnë deri në 28 metra në sekondë ditën e shtunë.

“Pronat mund të pësojnë dëme dhe ekziston rreziku i lëndimeve për shkak të objekteve që mund të fluturojnë në ajër,” paralajmëron SMHI.

Banorët në zonat e prekura këshillohen të mos udhëtojnë ose të përdorin rrugët nëse nuk është absolutisht e domosdoshme.