Sondazhi: Rritet besimi për lideren e Partisë së Majtë në Suedi.Ja si renditen liderët e tjerë?

Sipas matjes më të fundit të besimit të realizuar nga GP/Novus, liderja e Partisë së Majtë në Suedi, Nooshi Dadgostar, ka shënuar rritje me katër pikë përqindjeje. Tani, 17% e votuesve thonë se kanë shumë ose mjaft besim tek ajo.

Politologu suedez Jonas Hinnfors thotë se kjo rritje mund të ketë ardhur sepse Partia e Majtë ka mbajtur qëndrime të qarta në disa çështje dhe aktualisht duket si një parti më e bashkuar.

Një tjetër ndryshim i madh në sondazh është rritja e besimit për kryeministrin suedez Ulf Kristersson nga votuesit e partisë së tij. Në janar, 78% e mbështetësve të tij kishin besim tek ai, ndërsa tani kjo shifër ka shkuar në 93%. Me këtë rezultat, ai ka kaluar liderin e Demokratëve të Suedisë, Jimmie Åkesson, i cili zakonisht ka pasur mbështetjen më të fortë nga votuesit e partisë së vet.

Besimin më të madh nga të gjithë votuesit në Suedi vazhdon ta ketë liderja e Socialdemokratëve, Magdalena Andersson. Ajo ka 43% besim nga qytetarët dhe është e vetmja politikane për të cilën më shumë njerëz kanë besim sesa mosbesim.

Rezultatet e plota të sondazhit
(Shumë ose mjaft besim / Pak ose aspak besim)

• Magdalena Andersson (S): 43 / 32
• Ulf Kristersson (M): 36 / 45
• Ebba Busch (KD): 29 / 52
• Jimmie Åkesson (SD): 28 / 55
• Nooshi Dadgostar (V): 17 / 58
• Amanda Lind (MP): 17 / 50
• Daniel Helldén (MP): 10 / 50
• Elisabeth Thand Ringqvist (C): 9 / 40
• Simona Mohamsson (L): 7 / 65

Sondazhi është realizuar nga Novus gjatë periudhës 16–22 prill 2026 në panelin Novus Sverigepanel. Në të morën pjesë 1006 persona të moshës nga 18 deri në 84 vjeç.

Burimi:GP/Novus

Link: https://www.gp.se/politik/gpnovus-nooshi-dadgostar-stiger-i-popularitet.01ab0f5b-8cde-42d0-804d-2061f57e7a4b