Sondazhi: Shumica e suedezëve kundër dëbimit të të rinjve 18-vjeçarë

Një shumicë e madhe e qytetarëve në Suedi janë kundër dëbimit të të rinjve që janë rritur në vend, sapo ata mbushin 18 vjeç. Kjo tregohet nga një sondazh i realizuar nga Novus me kërkesë të gazetës Göteborg Posten (GP).

Të ashtuquajturat “dëbime të adoleshentëve” kanë marrë vëmendje të madhe gjatë javëve të fundit dhe kanë hapur debat në opinionin publik.

Sipas sondazhit, 76% e të anketuarve mendojnë se është gabim që këta të rinj të dëbohen nga Suedia pasi mbushin 18 vjeç. Vetëm 11% thonë se kjo është e drejtë. Pakënaqësia është pak më e madhe te gratë sesa te burrat dhe shfaqet në nivele të ndryshme në të gjithë spektrin politik.

Edhe mes votuesve të Svergiedemokraterna(SD) ka ndarje mendimesh. 42% e tyre mendojnë se është gabim që të rinjtë të dëbohen, 32% thonë se është e drejtë, ndërsa 26% janë përgjigjur “nuk e di”.

Burimi: GP

Link: https://www.gp.se/politik/stor-majoritet-av-svenskarna-ar-emot-tonarsutvisningarna-.e5e28b5b-04a9-475d-a80c-22252b67d430