Stacioni Qendror i Stokholmit u evakuua pas alarmit të zjarrit

Stacioni Qendror i Stokholmit është evakuuar pasi është aktivizuar një alarm zjarri, raporton gazeta suedeze Svenska Dagbladet (SvD).

Sipas autoriteteve, shkaku i alarmit ende nuk dihet. Shërbimi i zjarrfikësve ka mbërritur në vendngjarje dhe po kontrollon ambientet e stacionit.

“Nuk e dimë shkakun. Jemi në vend dhe po hyjmë për të kontrolluar”, ka deklaruar Göran Norman nga shërbimi i zjarrfikësve për gazetën SvD.

Ngjarja ka shkaktuar evakuimin e plotë të stacionit, ndërsa autoritetet po vazhdojnë verifikimet për të sqaruar situatën.