Stockholm–Göteborg do të bëhet autostradë në të gjithë gjatësinë

Qeveria ka njoftuar se e gjithë rruga mes Stockholm dhe Göteborg do të kthehet në autostradë. Ky është një ndryshim i madh për trafikun në këtë aks të rëndësishëm.

Aktualisht, disa pjesë të rrugës mes Jönköping dhe Ulricehamn janë ende me një korsi, gjë që shpesh krijon ngadalësime. Por sipas planit kombëtar të infrastrukturës, këto segmente do të zgjerohen dhe do të bëhen autostradë.

Ende nuk ka një afat të saktë për përfundimin e punimeve, por sipas Jönköpings-Posten, projekti pritet të realizohet brenda dhjetë viteve.

Ministri i Infrastrukturës, Andreas Carlson, tha se me këtë projekt do të hiqen ngushticat në rrugë, duke e bërë udhëtimin më të shpejtë dhe më të sigurt për qytetarët, bizneset dhe sektorin e transportit.

“ Ky është një lajm i mirë. Kjo rrugë është kërkuar të përmirësohet prej shumë dekadash”, u shpreh ai.

Burimi: JP/DN

Link: https://www.jp.se/beskedet-riksvag-40-byggs-ut/

https://www.dn.se/sverige/nu-blir-hela-strackan-stockholm-och-goteborg-obruten-motorvag/