Stokholm: 27 ambulanca të reja nga tetori

Rajoni i Stokholmit do të forcojë shërbimin e ambulancave këtë vjeshtë me 27 makina të reja. Lajmi u bë i ditur nga rajoni në një njoftim për shtyp.

Sipas Robert Johansson (S), këshilltar rajonal për çështjet e personelit, mjetet e reja janë një hap i rëndësishëm për të lehtësuar punën e stafit të ambulancave.

“Ambulancat e reja do të zvogëlojnë problemet dhe riparimet e shpeshta që shpesh e pengojnë shërbimin. Ato janë të pajisura edhe me barela vetë-ngarkuese, të cilat ndihmojnë në shmangien e ngritjeve të rënda për personelin,” u shpreh Johansson.

Por opozita është kritike ndaj këtij vendimi. Kristoffer Tamsons (M), këshilltar rajonal i opozitës, në një mesazh për gazetën Aftonbladet tha:

“Socialdemokratët tani kanë kuptuar se për të bërë shërbimin e ambulancës duhen edhe ambulanca. 27 makinat paraqiten si një masë paniku, edhe pse duhej të ishin vënë në përdorim që në pranverë. Tani mbetet të shohim nëse ata e kuptojnë se duhen edhe njerëz për t’i drejtuar dhe për t’i mbajtur në funksion. Përndryshe, tatimpaguesit thjesht kanë paguar shtrenjtë për më shumë ambulanca që do të mbeten pa përdorim.”

Sipas planit, 27 ambulancat e reja do të hyjnë në shërbim në fillim të tetorit.

Burimi: Aftonbladet