Stokholmi heq parkimin e subvencionuar për banorët e ndërtesave të reja

Banorët e ndërtesave të reja në Stokholm nuk do të kenë më akses në tarifat e subvencionuara për parkimin në rrugë. Bashkia ka vendosur të heqë këtë lehtësi, me qëllim që më shumë shoferë të përdorin garazhet dhe parkingjet e dedikuara, duke liruar hapësirat publike për këmbësorët, çiklistët dhe gjelbërimin.

Sipas trafikborgarrådet (këshilltarit të trafikut) Lars Strömgren (MP), ky ndryshim do të ndihmojë në shfrytëzimin më efikas të hapësirave publike.

“Ne duam të krijojmë një qytet më të gjelbër dhe më të këndshëm për të gjithë. Kur më shumë makina parkohen në garazhe, hapësira e rrugëve mund të përdoret për trotuare më të gjera, korsitë e biçikletave, pemët dhe kafenetë në ambient të hapur,” tha Strömgren në një deklaratë për shtyp.

Vendimi nuk është i paprecedentë. Një masë e ngjashme është zbatuar tashmë në lagjet Hagastaden, Annedal dhe Norra Djurgårdsstaden, dhe pritet që në të ardhmen të shtrihet edhe në zona të tjera të kryeqytetit suedez.