Stokholmi ndryshon vendim, lejon shërbimin e alkoolit deri në 08:00 gjatë ndeshjeve të Kampionatit Botëror.

Qyteti i Stokholmit ka ndryshuar vendim dhe tani ka thënë “po” për një ndryshim të përkohshëm të rregullave për baret dhe restorantet. Kjo do t’u lejojë atyre të qëndrojnë hapur deri në orën 08:00 në mëngjes, në mënyrë që të transmetojnë ndeshjet e Kampionatit Botëror. Lajmi raportohet nga DN.

Më herët, udhëheqja e qytetit, e cila drejtohet nga Socialdemokratët, kishte deklaruar se nuk ishte e mundur të zgjateshin oraret e hapjes së lokaleve, sepse kjo do të kërkonte ndryshimin e gjithë rregullores ekzistuese.

Megjithatë, qëndrimi ka ndryshuar. Alexander Ojanne (S), këshilltar për çështje sociale dhe kryetar i Komisionit Social, tha se arsyeja e ndryshimit ishte kërkesa nga qytetarët dhe pronarët e lokaleve.

“Pasi pamë se kishte kërkesë për orare më të gjata si nga krerët e lokaleve ashtu edhe nga banorët e Stokholmit, vendosëm ta plotësojmë këtë kërkesë”, tha ai.

Sot gjatë ditës, Komisioni Social votoi njëzëri pro këtij ndryshimi të përkohshëm të rregullave. Vendimi përfundimtar pritet të merret në Këshillin Bashkiak në muajin maj.

Burimi: DN/Mitti

Link:https://www.dn.se/sverige/stockholm-sager-ja-till-alkoholservering-till-08-under-vm/

https://www.mitti.se/nyheter/nya-beskedet-barer-kan-fa-halla-oppet-till-08-pa-morgonen-6.3.359822.036573fe46