Studim i ri: Gjithnjë e më shumë njerëz ndjejnë neveri ndaj pyjeve

Gjithnjë e më shumë njerëz vuajnë nga shqetësim ose neveri e tepruar ndaj pyjeve dhe natyrës, tregon një raport i ri nga Universiteti i Lundit.

Studiuesit kanë mbledhur mbi 200 artikuj shkencorë mbi këtë temë dhe konstatojnë se fenomeni, i quajtur biofobi, është rritur si në Suedi ashtu edhe globalisht vitet e fundit.

“Bëhet fjalë për neveri ose frikë nga specie të caktuara, si zogjtë dhe insektet. Ose që dikush, në një nivel më të përgjithshëm, ndjen neveri ndaj pyjeve dhe botës së kafshëve”, thotë studiuesi dhe autori kryesor Johan Kjellberg Jensen për gazetën Svenska Dagbladet.

Prej kohësh natyra është konsideruar vend për qetësim dhe mirëqenie. Studimi i ri tregon se marrëdhënia e njeriut ndaj këtij vendi ka ndryshuar në kohët moderne. Ndër të tjera, si shkak përmendet urbanizimi.

Johan Kjellberg Jensen është i shqetësuar se distancimi nga natyra mund të ketë pasoja negative për shëndetin publik. Por ai beson se një zgjidhje mund të jetë zhvillimi i më shumë hapësirave të gjelbra në mjediset urbane.