Stuhia “Dave” godet Suedinë perëndimore, probleme në trafik dhe emergjenca

Një stuhi e fuqishme, e quajtur Dave, ka goditur gjatë ditës bregdetin perëndimor të Suedisë, duke shkaktuar probleme në disa zona të vendit. Sipas meteorologes Hilda Westberg nga SMHI, era ka arritur fuqi stuhie, deri në 27–28 metra në sekondë, veçanërisht në stacionet bregdetare si Måseskär dhe Väderöarna në brigjet e Bohuslänit.

Stuhia ka sjellë gjithashtu reshje të forta shiu dhe bubullima në zonat e Dalsland dhe Värmland.

Ndërkohë, Trafikverket ka raportuar për pemë të rrëzuara mbi rrugë më të vogla në rajonin Västra Götaland . Sipas Mikael Lindgren  nga shërbimi i emergjencës në Storgöteborg, situata është e ngarkuar.

“Ne kemi shumë punë tani, po marrim njoftime nga të gjitha anët e qarkut”, ka thënë ai për gazetën Göteborgs Posten.

Po ashtu, Sveriges Radio ka raportuar se ura e Uddevallës është mbyllur për qarkullim. Një tjetër incident ka ndodhur në rrugën E44, midis Uddevalla dhe Trollhättan, ku një çati hambari është shkëputur nga era dhe ka përfunduar mbi rrugë, sipas raportimit të Dagens Nyheter.

Autoritetet vazhdojnë të punojnë për të menaxhuar situatën e krijuar nga stuhia.

Burimi: Omni/TT/GP/DN/Sveriges radio

Link: https://tt.omni.se/stormen-dave-slar-mot-sverige-sj-staller-in-tag/a/ExxV8P

https://www.dn.se/direkt/2026-04-05/ladugardstak-over-vag-i-blasten/

https://www.gp.se/nyheter/vastsverige/stormen-dave-drar-in-over-vastsverige-orange-varning-utfardad.de482a07-6fc4-46b7-b05d-47cc9e8a2065

https://www.svt.se/nyheter/lokalt/vast/stormen-dave-drar-in-over-sverige-svt-rapporterar-direkt?inlagg=e93dafcf085029fc0b39df21570b2c96