Suedi: bie numri i njoftimeve për pushime nga puna dhe i të papunëve

Numri i personave që janë njoftuar për pushim nga puna në Suedi ka vazhduar të bjerë. Sipas të dhënave më të fundit të Shërbimit Suedez të Punësimit (Arbetsförmedlingen), gjatë muajit qershor 2.857 persona janë njoftuar se rrezikojnë të humbasin vendin e punës.

Kjo vazhdon trendin pozitiv të nisur gjatë pranverës. Krahasuar me muajin janar, numri i njoftimeve për pushime nga puna është më shumë se përgjysmuar.

Në një koment për statistikat e reja mujore, Arbetsförmedlingen thekson se zhvillimi pozitiv po vërehet te burrat dhe gratë, te personat e lindur në Suedi dhe jashtë saj, si edhe në të gjitha qarqet e vendit. Megjithatë, institucioni nënvizon se ende ka dallime të mëdha mes rajoneve.

Po ashtu, ka rënë edhe numri i personave të regjistruar si të papunë. Në fund të muajit qershor, 344.357 persona ishin të regjistruar si të papunë, një shifër që është 6% më e ulët krahasuar me të njëjtën periudhë të vitit të kaluar.

Burimi:Arbetsformedlingen

Link: https://arbetsformedlingen.se/statistik/