Suedi: Ndalim kombëtar i telefonave celularë në shkollat grundskolan nga 1 gushti

Qeveria suedeze ka vendosur një ndalim kombëtar të përdorimit të telefonave celularë në shkollat fillore, i cili do të hyjë në fuqi nga semestri i vjeshtës. Lajmi raportohet nga agjencia TT. Ndalimi do të zbatohet duke filluar nga data 1 gusht dhe do të përfshijë jo vetëm shkollat fillore, por edhe fritidshem-et (qendrat pas shkollës) si dhe aktivitetet e hapura të kohës së lirë për fëmijët.

Ministrja e Arsimit, Simona Mohamsson (L), thotë se qëllimi kryesor i këtij vendimi është krijimi i më shumë qetësie në mësim dhe ulja e shpërqendrimeve në klasë. Sipas saj, telefonat celularë ndikojnë negativisht në përqendrimin e nxënësve.

“Të gjithë nxënësit në Suedi do të kthehen në një shkollë pa telefona celularë pas pushimeve të verës”, deklaron Mohamsson për TT.

Megjithatë, mësuesit do të kenë të drejtë të bëjnë përjashtime nga ndalimi. Kjo do të vlejë në rastet kur telefonat janë të nevojshëm për mësim ose kur një nxënës ka arsye të veçanta për t’i përdorur ato.

Sipas ministres së Arsimit, ky ndryshim nuk ka si synim vetëm shkollën, por edhe ndikimin në mënyrën se si fëmijët dhe familjet e tyre e shohin përdorimin e ekraneve. Ajo thotë se masa pritet të ndihmojë në ndryshimin e kulturës së kohës së kaluar para ekranit edhe jashtë mjedisit shkollor.

Burimi: Omni/ TT

Link: https://tt.omni.se/regeringen-mobilforbud-i-grundskolan-i-host/a/L41PR9