Suedi: Të gjitha paralajmërimet për borën gjatë javës ditë pas dite.

Borë e madhe po bie në pjesë të ndryshme të Suedisë dhe SMHI ka lëshuar paralajmërime për gjithë javën.

Sot, kryesisht bregu lindor mbulohet me borë, nga Oxelösund në jug deri në Härnösand në veri. Në Stokholm dhe Uppsala priten reshje lokale të dendura bore, deri në 15 centimetra. Në veri, përgjatë bregut dhe në pjesë të mëdha të Dalarna, do të ketë “zona me reshje të dendura bore” deri në 30 centimetra në disa vende. Ky paralajmërim mbetet në fuqi edhe të mërkurën.

Të mërkurën, moti i keq largohet nga Stokholmi, por paralajmërimi për borë shkon më në perëndim. Qytete si Göteborg , Örebro dhe Karlstad duhet të presin sasi të mëdha bore për dy ditë.

Të enjten dhe të premten, situata mbetet e vështirë përgjatë bregut të Norrland, nga Hudiksvall deri në Skellefteå, ku borë dhe erë mund të shkaktojnë probleme të mëdha në trafik. Priten midis 15 dhe 30 centimetra bore.

Afër bregut mund të bie edhe më shumë borë dhe disa paralajmërime mund të përmirësohen në nivel portokalli, paralajmëron SMHI.