Suedia ka nevojë për një polici emigracioni si ICE

Kryetarja e të rinjve të partisë Demokratët Suedezë, Denice Westerberg, thotë se Suedia ka nevojë për një polici të veçantë për emigracionin, të ngjashme me ICE në Shtetet e Bashkuara.

Sipas saj, kjo polici duhet të ketë të drejtë të bëjë kontrolle identiteti në rrugë, vende pune e shkolla, të kryejë bastisje në mëngjes dhe të arrestojë menjëherë ata që qëndrojnë në vend pa leje, derisa të deportohen.

Westerberg e quan qëndrimin e paligjshëm në Suedi “një nga kërcënimet më të mëdha për sigurinë e vendit”.

Ajo përmendi se në SHBA, ish-presidenti Donald Trump ka zgjeruar fuqinë dhe buxhetin e ICE dhe ka premtuar dëbime masive të emigrantëve pa dokumente.