Suedia, më e varfra në vendet nordike – Danimarka kryeson për pasuri

Raporti i UBS për pasurinë globale zbulon diferenca të mëdha mes vendeve nordike.

Suedia, ndonëse renditet në vendin e 15-të në botë për pasurinë mesatare për frymë prej 3.5 milionë koronash suedeze, mbetet më e varfra ndër vendet nordike kur merret parasysh pasuria mediane.

Sipas raportit të pasurisë së UBS për vitin 2024, pasuria në Suedi është vetëm 910,000 korona, duke e renditur vendin në vendin e 24-të globalisht dhe të fundit në mesin e fqinjëve nordikë. Në krahasim, Finlanda ka një pasuri  prej 970,000 korona, Norvegjia 1.67 milionë korona dhe Danimarka 2.13 milionë korona, duke e bërë këtë të fundit më të pasurën në rajon.

Ekspertët theksojnë se dallimet e mëdha midis pasurisë mesatare dhe mediane në Suedi lidhen me pabarazinë e theksuar ekonomike, ku pasuria e disa individëve shumë të pasur ndikon në rritjen e ndjeshme të mesatares.

Raporti ngre shqetësime mbi shpërndarjen e pabarabartë të pasurisë, ndërsa Danimarka shihet si modeli kryesor i stabilitetit ekonomik në rajon.