Suedia me papunësinë e tretë më të lartë në BE

Suedia po përballet me një nivel të lartë papunësie. Sipas shifrave më të fundit nga Eurostat, vendi ka papunësinë e tretë më të lartë në Bashkimin Europian.

Të dhënat e publikuara nga Instituti i Statistikave të Suedisë (SCB) tregojnë se në muajin korrik papunësia arriti në 8,7%, e njëjtë me muajin qershor. Vetëm Spanja dhe Finlanda kanë përqindje më të larta papunësie.

Në të njëjtën kohë, papunësia në eurozonë ishte shumë më e ulët  6,2% në korrik, duke rënë pak nga shifra e qershorit që ishte 6,3%.