Suedia në recesion, por jo në krizë

Ekonomia suedeze po kalon një periudhë të dobët, por nuk është në krizë. Kështu deklaroi drejtori i Institutit të Konjukturave, Albin Kainelainen, në një intervistë për Affärsvärlden.

Sipas tij, pavarësisht se themelet e ekonomisë janë të forta, recesioni po vazhdon. Ai shpjegon se arsyeja pse shumë njerëz e ndjejnë gjendjen më të rëndë se ç’është në të vërtetë lidhet me perceptimin psikologjik.

Një sondazh i fundit tregoi se qytetarët mendojnë se inflacioni është rreth 15%, ndërsa niveli real është vetëm 2,5%.

“Shumë njerëz kujtojnë që domatet kushtonin 30 krona. Tani që kushtojnë 45, kjo u mbetet në mendje dhe krijon ndjesinë se gjithçka është shtrenjtuar shumë”, tha Kainelainen.