Suedia ngjitet në renditjen globale të universiteteve

Suedi ka bërë një përparim të dukshëm në renditjen e universiteteve më të mira të botës, sipas listës së përvitshme të publikuar nga Times Higher Education. Shtatë institucione të arsimit të lartë në Suedi janë ngritur ne rënditje, duke e pozicionuar vendin në vendin e 13-të në nivel global për numrin e universiteteve të përfshira në top 200.

Në mesin e universiteteve të Nordikut, Karolinska Institutet mbetet i vetmi që hyn në top 50, duke u renditur në vendin e 49-të. Megjithatë, renditja e këtij institucioni ka pësuar rënie krahasuar me vitet e kaluara, pas skandalit të njohur me Paolo Macchiarini.

Lista e universiteteve kryesore është dominuar sërish nga SHBA-ja dhe Mbretëria e Bashkuar, me University of Oxford që ruan vendin e parë për të dytin vit radhazi.

Universitetet më të mira në botë për 2024

1.University of Oxford, Mbretëria e Bashkuar

2.Massachusetts Institute of Technology (MIT), SHBA

3.Harvard University, SHBA

4.Princeton University, SHBA

5.University of Cambridge, Mbretëria e Bashkuar

6.Stanford University, SHBA

7.California Institute of Technology (Caltech), SHBA

8.University of California, Berkeley, SHBA

9.Imperial College London, Mbretëria e Bashkuar

10.Yale University, SHBA

Shtatë universitete suedeze në renditje

Përveç Karolinska Institutet në vendin e 49-të, Kungliga Tekniska Högskolan dhe Universiteti i Lundit ndajnë vendin e 95-të, ndërsa Universiteti i Uppsala-s pozicionohet në vendin e 130-të. Universiteti i Stokholmit ndodhet në vendin e 191-të. Në grupin e universiteteve të renditura mes vendeve 201-250 janë përfshirë Chalmers Tekniska Högskola, Universiteti i Linköping dhe Universiteti i Göteborg.

Kjo renditje tregon për rritjen e konkurrencës dhe cilësisë së arsimit të lartë në Suedi, duke e vendosur vendin ndër më të mirët në botë për kërkime shkencore dhe inovacion.