Suedia ul azilin në nivelin më të ulët që nga viti 1985. Moderatët propozojnë masa të reja për integrim

Politikat e mëparshme të emigracionit dhe mungesa e një strategjie të qartë integrimi kanë sjellë probleme të mëdha shoqërore në Suedi.

Qeveria e drejtuar nga Moderatët ka arritur ta ulë numrin e azilkërkuesve në nivelin më të ulët që nga viti 1985. Megjithatë, ata theksojnë se nuk mjafton vetëm frenimi i ardhjeve të reja, por duhet punuar edhe që ata që tashmë jetojnë në Suedi të bëhen pjesë e shoqërisë.

Sot, partia Moderatët ka prezantuar disa propozime konkrete për të luftuar izolimin dhe për të forcuar integrimin. Ndër to përfshihen:

• Kontrata suedeze, një marrëveshje që synon të qartësojë pritshmëritë dhe detyrimet për emigrantët.
• Zonat e integrimit, të cilat do të fokusohen në mbështetje më të madhe për punësim dhe arsimim në lagjet ku ka më shumë të ardhur.
• Edukimi shoqëror i detyrueshëm, që do të ndihmojë emigrantët të njohin rregullat, kulturën dhe vlerat suedeze.

Sipas Moderatëve, këto masa janë mënyra më e mirë për t’i ndihmuar emigrantët të mësojnë gjuhën suedeze, të hyjnë në tregun e punës dhe të jetojnë sipas vlerave të vendit. “Kjo është çelësi për një integrim të suksesshëm”, deklaroi Johan Förssell.