Svantesson nuk përjashton uljen e taksës së benzinës

Ministrja e Financave e Suedisë, Elisabeth Svantesson nga partia Moderaterna (M), tha se nuk e përjashton mundësinë e uljes së taksës së benzinës nëse situata energjetike përkeqësohet.

Gjatë një prononcimi për gazetarët të martën, Svantesson paralajmëroi se ekziston rreziku që njerëzit ta krahasojnë situatën aktuale gjeopolitike në botë me krizën e pandemisë së Covid 19. Sipas saj, kjo mund të krijojë pritshmëri të gabuara.

“Kam frikë se shumë njerëz mendojnë se do të ndodhë përsëri si në vitin 2022”, tha ajo.

Si pjesë e masave për të nxitur ekonominë dhe për ta rikthyer rritjen ekonomike, Svantesson përmendi edhe vendimin për përgjysmimin e TVSH-së për ushqimet. Kjo masë pritet të hyjë në fuqi më 1 prill dhe synon të lehtësojë kostot për qytetarët.

Në lidhje me propozimin e liderit të Demokratëve të Suedisë, Jimmie Åkesson nga partia SD, për uljen e taksës së benzinës në buxhet si përgjigje ndaj një krize të mundshme energjetike, Svantesson u shpreh se qeveria nuk përjashton asnjë mundësi. Sipas saj, të gjitha opsionet mbeten të hapura nëse situata e energjisë bëhet më e vështirë.

Burimi: DI

Link: https://www.di.se/nyheter/svantesson-utesluter-inte-sankt-bensinskatt/