Svenskt Näringsliv: Rritja e pragut të pagës për punëtorët e huaj mund të dëmtojë ekonominë suedeze

Rritja e pragut të pagës për punëtorët e huaj mund të dëmtojë ekonominë suedeze me 30 miliardë korona në vit, paralajmëron organizata e punëdhënësve Svenskt Näringsliv në një raport të ri.

Sipas organizatës, masa e propozuar nga qeveria do të çojë në një humbje të ndjeshme të prodhimit të brendshëm bruto (PBB), ku 10 miliardë korona vijnë vetëm nga të ardhurat e humbura nga taksat. Svenskt Näringsliv i bën thirrje qeverisë të përqendrohet në më shumë orë pune, rritjen e emigracionit të krahut të punës dhe nxitjen e pjesëmarrjes në tregun e punës për të siguruar mirëqenien e ardhshme të Suedisë.

“Suedia ka nevojë për një politikë afatgjatë që shkon përtej një mandati qeverisës,” thotë Karin Johansson, nënkryetare e Svenskt Näringsliv, për Dagens Nyheter.

Ajo shton se shkurtimi i orarit të punës nuk është një zgjidhje e qëndrueshme, sidomos në një vend me një popullsi në plakje dhe një forcë punëtore në rënie.