“Sverige-ID”, mënyrë e re identifikimi digjital në Suedi

Nga 1 dhjetori i këtij viti, qytetarët në Suedi do të mund të aplikojnë për Sverige-ID, një identitet elektronik shtetëror që do të përdoret për t’u identifikuar në shërbime digjitale si në Suedi ashtu edhe në vendet e tjera të Bashkimit Evropian. Kjo është bërë e ditur nga Polismyndigheten në një njoftim për shtyp.

Ky ndryshim vjen si rezultat i rregullave të reja të Bashkimit Evropian për identitetin digjital, të cilat kërkojnë që çdo vend anëtar të ofrojë një e-legjitimim shtetëror të sigurt për qytetarët.

Sverige-ID do të lidhet me kartën kombëtare të identitetit dhe do të përdoret përmes një aplikacioni në telefonin mobil.

Personat që duan të kenë këtë e-legjitimim duhet të aplikojnë për një kartë të re identiteti në zyrat e pasaportave të policisë.

Burimi: Polisen.se

Link: https://polisen.se/aktuellt/nyheter/nationell/2026/mars/polismyndigheten-utvecklar-en-ny-e-legitimation-pa-hogsta-sakerhetsniva/